الدار

السلام عليكم ورحمة الله وبركاته

يادار سجلت جوانبك الاخبار

اخبار ماضي قطعته المقادير

والحاضر الي بين كل مقدار

اخبار ضيم قيده بكل تشهير

يادار مشينك على نفسي يادار

اول اجيلك هب ريح(ن)وأطير

وتاي الوقت كن حولك اسوار

كثرة الحسبه وثقل علي السير

عقب ماكان لك عندي ذيك الاطوار

اليوم عفناك ولنفس تفسير

دورت لك يادار كثير الاعذار

ومليت من تقليب الهقاوي بتفسير

تفسير يطفي مابنفسي من النار

ولقيت لك عذر مع قل المعاذير

انك جماد ولا لك حس(ن )ولاتشار

بس البلا بناسن لهم قدر وتقدير

انا اشهد ان الزمن خاين وغدار

عقب ماكنت سفله طالك التطوير

هذا يلمع وذاك طق مسمار

وفيهم من خطط وكتب له تقرير

ومنهم طربان وراسهم حمى له طار

عقب ماكان شوفتهم لك بتحقير

عقب ماكنت درب(ن)لهم ومعبار

تصلاك جراذيهم قرض وتحفير

كود ياقفلهم عربجي(ن)منطار

يرميهم رمي الرخوم رمي تطيير

واليوم لك عندهم قوي الاسرار

هذا ردي وهذا يبي لفرشه تغيير

لهثن ورى حاجه ولا يهون الدينار

عقب ماكان قدرك حفنة محيفير

وتالي الوقت لك شأنن ومعيار

يهف لك نسناس وكل وقت تعطير

خدامك اليوم جيبوا بغلى الاسعار

اول ضرب روسهم ويقفاهم تسفير

عفناك لولا والد(ن)فيك عمار

نرجي بره وله المشاعر تسير

لولاك ياعود نجمح جمحة الزار

نطبق عليهم دارهم طبق بعصير

ياعود لاتلومني وقلي وش صار

قلي وش الي زاد بعد ذاك التقطير

قلي معاشر القدش ولا الاحرار

قلي ياسف يامضيع عنك الجفير

يادنيتي صفت منكي كل الانوار

انوار مصدرها امي ياكل الخير

ماقد شكى منها قريب ولا جار

برد(ن)على الناس بكل التصاوير

ياكم شالت هم وجوفها فطار

على ماشافت ضيم ومن قو تقصير

اعوام وحالها تصريمة المجمار

مجمارفجر ثومة القلب تفجير

تصبح على شتيمه وتمسى بسطار

وتنام وجنبها مغروس(ن)به شطير

كانت الفرج لاصرت بهمي محتار

وكانت لسيول همي ياكبره محير

روضة(ن)بين الفيافي والاقفار

مثل المطر عند العرب زخن غزير

لكي رب(ن)قادر(ن)عزيز(ن)جبار

يعوض بجنات الخلد وقبر(ن)منير